在美的第一個感恩節

12.09.2013

由11月頭開始, 已經開始陸續出現聖誕裝飾
雖然未到感恩節, 但已經到處充滿節日氣氛

下面張相攝於11月中時... 雖然而家仲未可以放裝飾

但單是觀摩己賞心悅目~

 

這是我第一年到美國過感恩節

聽講單是排隊入鋪已經不少於一小時,仲有排隊付款的另外一小時...

初時我心諗 "無咁誇呀?!"

點知親身經歷, 果然誇張~

當晚我同老公仲要走兩場...

先喺Santa Anita Mall....然後相約兩個朋友行Outlet...

 排隊時影的~ 當時老公其實己經攰到無論~ 仲要陪我癲~

結果由晚上8:00左右, 行到第二朝6:30先返到屋企!!!

係好攰架~ 但真係女人行街時唔覺架~ 過後靜咗落黎知出事~

攰到嘔~ 睇到下午一點幾先起身~!

戰利品.... 

全部係我的...我老公---無份~

其實我老公想買PS4 / Wii Mini

但無奈剛推出, 未有十分好的優惠... 所以... 遲d先啦~!

聖誕節蛋糕

老公話應節要買黎食, 仲話好好味~ 

期待~

My First Le Creuset

11.17.2013

大約一年前左右認為了Le Creuset 這個品牌
但基於我在香港時, 已經知美國outlet會較平 (雖然顏色選擇不多~)

況且 我都要就快要移民, 無理由浪費行李寄倉重量, 由香港托個生鐵煲過美國~~!!!

所以諗過度過都係留返喺美國買, 而之前只拎了契媽送給我的粉紅花花碟, 粉紅小焗碗

其實由我年頭睇到而家接近年尾啦… 但一直都覺得價錢太貴, 未喺時候入貨~

所以9月尾開始再“格價”, 等感恩節前後 / 聖誕節後出擊!!!

但竟然俾我地發掘到好嘢!!!

無計啦~ 因為點平好都成千蚊港紙一個, 好應該格好價, 覺得“啱價”先好入貨…

上星期六, 約好朋友去OUTLET巡視業務, 我地一早諗好只格價, 唔入貨~

初時我發現好Round 26cm 淺紫色, 原價$202, 35% off , 折後 $131.00

之後又發現有個出口日本類似媽咪款Soup Pot淺啡綠色, 做緊50% off, 折後 $101.00

以上兩款都心大心細, 因為現居地位置所限, 我只可以買一個~~ (如果唔係買哂兩個啦~~ 哼﹗)

但正當俾錢時, 俾我地發現咗個媽咪銀的, 仲要係深紫色~ 一問之後佢話都係做50%, 拆後$110.00﹗﹗

二話不說, 最後兩個俾我同朋友買咗…. 開心~

 

好想快快手開佢光!!! 哈哈哈!!!

再來懶人BLOG!

10.31.2013

最近非常懶，眼見好多卜友都努力寫卜... 而自己...

有少少慚愧, 還是加把勁吧﹗

不知不覺移民L.A.接近9個月了, 生活是適應了

考到車牌, 找到工作, 總算生活安定下來...

但間中都會哭住打電話/打Skype給媽媽

有時我不想對媽媽哭, 因為不想令佢擔心...

奈何眼睛不爭氣, 要老公幫我傾住數分鐘, 心情平復後再跟媽媽講東講西!


前幾天是我首先"獨自"開車出去跟朋友吃晚飯

其實我本身是有點怯, 但眼見各朋友都說"我會自己駕車到"...

我心想是個好機會跟老公要求, 始終我總會要自己開車, 只是時間問題~~

又難得老公肯答應! 仲要我開車前同我講 : "大個女喇!"

其實佢講完, 我仲怯!!!

沿途中, 我心不其然想, 我想我是適應了美國的生活!

又突然感慨起來, 回想起過去9個月的移民生活, 原來發生了很多事情!

當時一刻是特別掛念屋企人及朋友~

同當時想我安全回家後, 一定要給媽媽電話, 我可以自己駕車出街, 心情極度激動~
(*雖然, 我知她會講 "小心D啦~ 點解阿康唔同你一齊出街? 等等~~ 哈哈﹗)

時間真的過得很快很快~ 之前在香港時, 預計在移民後做的事, 已經大部份做到了~

只餘下暫時最後一個大project:買樓~ (遲些才慢慢討論這個麻煩事~~!)

可以寫成長篇小說~!

開張大吉﹗

9.4.2013 

YAHOO BLOG即將關閉，雖然它已經變成發霉中

但我都要為自己的BLOG找個安樂窩﹗

就選定blogspot為我另一個新居啦﹗

似乎很多yahoo blog友都選這裡做第二個家

假如有緣在此相遇就say個hello啦﹗

發霉blog

7.27.2013

大家聞到陣霉味嗎? 我個blog出緊青苔啦，陰公﹗
事實上，我係好想update的~ 但奈何時間不多﹗
移居美國剛好半年 (我是1.26.2013報到的)
在3個多月前見成工，展開搵銀+主婦的生活 (再次多謝MAY MAY)
我很慳家的，放工後多數都會煮飯，除非真係好攰好攰，就會舉手同波士請假﹗哈哈﹗

慳家的原因係因為邊度出街食晚飯都幾貴下，普通茶記埋單都要$20幾蚊，即係港幣$150左右‥‥
(*雖然份量足夠我第二日的lunch)
之不過$20夠我買半個星期的餸了~~~ 幸好這裡買餸比香港平很多，真係好很多~
特別是墨西哥人開的超巿更平﹗
我見過一條4大粒裝蒜頭，可以賣$0.99/3條 (總共12大粒)，
香港都要$5-6/1條~ 仲有好多例子一下子講唔完 等我下次有圖有真相咁話俾你地知!!!

而家習慣了星期六日買定下一個星期的餸，放工就快快趣返去煮飯洗碗沖涼...
好似無乜時間淨咁... 最free的時間算係一路食飯一路煲"衝上雲霄2".... SAM哥!!!!
搞呢樣搞嗰樣就要瞓覺~~~
不過呢度比香港的確少很多娛樂....
所以相對地留在家的時間多很多.....

從而慳了不少錢~~~ 有幾日突然勁思鄉....

好想食元氣， EURO GOGO，大家樂 (雖然而家貴到震﹗) 同阿媽飯!!!!!!!!!!!!!!!!!!!!!!!!!!

我的小時候

15.01.2013
我是一個不節不扣的垃圾婆不知從幾時開始，我就習慣儲起一些我認為值起留念的東西﹗亦因為我喜愛偣而不愛扔棄，漸漸儲起一堆又一堆的"廢物"媽媽對於我由N年前儲起的"廢物"，一直都很"不滿"~~~ 所以很久以前已經收埋在床下底內。
"隨著日子一日一日咁過"，我搬出外後，又儲了一堆~~~ (但經過一番努力後，我已經清理了8成﹗)餘下的1成真是必須的﹗ 我要放入床下底，繼而被我發現多年前的珍品﹗
我兒時的珍藏照，哈哈哈﹗

係咪好得意呀﹗哈哈哈﹗

媽媽對我很好，小時候的我，每當生日，媽媽必定約一群街坊們來我家大食會﹗小時候有這樣大個忌廉蛋糕已算是很好了﹗這類大食會，直到我8-9歲仍然繼續﹗

笑容實在很交戲﹗媽媽說我由小至大都很開朗，名副其實開朗少女﹗ 

又一大笑姑婆﹗
每次睇到自己小時候的相都忍不住公諸同好﹗哈哈哈﹗
BTW，我老公小時候跟現在沒有什麼分別~~ 而且同我一樣都很好笑容架~~~ 但未經他同意不能公諸同好~ 嘻嘻﹗

離開工作地

11.01.2013

即使有多不捨得也要離開工作短短一年的地方﹗

這份工作其實真的不錯 (只是人工少了一點點~~哈﹗)
雖然時間很短，但因為公司多員工關係(約200多人)，而且我需要經常跟其他部門同事聯絡
所以認識了一大班好友同事﹗

每個人都對我很有心~ 很關顧我﹗
當脄也很不捨得我啦~
希望跟這班可愛同事繼續聯絡啦~!!!
大家保重啦﹗ 

Farewell禮物

04.01.2013

我很感恩!
我身邊的姐妹們朋友同事都對我很好很好!

但講到公司同事當中，離不開那四位(哈! 唔開名，你自己對名入座啦!)
同事S : 她既是我同事亦是我契媽! (只欠一杯茶而言!)
真心對我很好很好，待我至親一樣!
無論什麼事都很幫我，照顧我~~~
她說如果我在美國有任何需要，她都會幫我幫到低~ 哈~~~

她知我很喜歡LC那套粉紅花花碟~
回想之前一日的對話，其實她是想套我料，問我喜歡大碟或小碟!!!

結果第二日，她竟然買了一套送給我，作為我的farewell禮物
我大愛! 真的很喜歡!
契媽亦很體貼地為我想‥‥‥
大一點放餸會好一點
一對兩對剛好~二人世界兩個餸剛好~
又可以入焗爐~ 焗豬排飯一人一碟剛好﹗
係咪體貼到暈呢~~~

I LOVE YOU, 契媽~!!

遲啲喺美國見呀!!!!