日常生活

10.23.2014

最近每日開飯前, 我都要先影相給我媽過目

其實想媽知道我在家吃多在外吃~ 

更加會亙相硏究菜式~

媽總會想了解個女生活情況

我就即管將我每日行程講過佢知啦~

我返工時間9:00, 開車返工距離約10-15分鐘...

視乎當日火車會否經過, 有火車就再等多5分鐘左右~

因為一架火車可以有過百個貨櫃~~~

一般我起身時間7:50左右啦~

因為我執好自己樣之後就開始醃定當晚的肉類
(*之前要拎出黎溶定雪, 事關我係星期日買定3-4餐餸)

做好準備後就出門口返工~

現在我的工作時間已經不是8小時~
基本上每日都要9-10小時~ 攰到裂開~

有時是矛盾的...加班有錢, 但攰到人到癲~

放工開車又是10-15分鐘車程

每次都是放下手袋洗個手就開始煮飯~

老公6:00左右就回到家, 他現在會幫忙先煮好飯

我回到家只是煮餸, 算是做少了一個步驟 =_=

好似今日, 我放6:40, 回到家7:00左右

煮好開飯已經7:45... 要是我之前沒有洗洗切切及醃肉

開飯時間至少要8:30
(*因為有時遇上業主在煮飯, 我沒有機會洗洗切切, 時間便要更長~)

開飯前 / 吃飽後我都要洗洗抺抺, 因為怕會阻住之後要煮的同屋住

過後到我梳洗整理... 休息... 

有時精神還可以望下卜友的blog~ 

或者上下網睇下新聞~

跟媽媽通個電話~ 同香港的老友whatsapp一番~

日復日, 年復年~

在家吃飯...留個錢積蓄, 不要胡亂揮霍, 亂買東西~ 為日後買樓做準備金~

間中見見朋友, 吹吹水~ 已經可以放鬆心情

若干時間回港探探親朋好友~ (期待2年後吧~)

這就是生活啊~

回港探親後的生活

10.08.2014

從香港回來後已經接近一個月喇~ 生活忙到爆燈~!

返工忙~
放工後忙煮飯照顧我家少爺~
還有得多鎖碎事~
事情很多~
總覺得時間不夠~

公事上 接受很多意想不到的別人想法~ 無奈~
私事上 我家少爺仍然愛我照顧我~ 感恩~
香港事上 連續兩星期的不停閱讀新聞 心情低落 哭了~
無奈我不能上街出一份的力量~

暫時影響到我本人的情緒
其實只有公事上所發生的言語及壓力
感恩我家少爺思想比較全面成熟
給我不少應對的對策

特別在某些時候 特別想起爸爸媽媽細佬~
亦很想盡快探親~
但我們之間協定兩年後再回港...
慳錢~ 儲夠彈藥再出發!

我相信這段時間只是過渡期
希望用吃喝玩樂來釋放負能量~

香港的事 希望快快解決~
不能用"六言四語"來形容那些無能力的人!
你們回家吧~ 還有得多別的事情等著你們做! 請回!

8月回鄉

5.6.2014

其實事情還未正式對外公佈~
因為想將事情低調處理...呵呵~

一路都House Hunting的, 但可惜基於很多因素影響下
還未看到心儀的房子前, 我地已經準備放棄
等到出年, 我有足夠兩年的報稅報告
再次出動House Hunting吧~
而且常常聽人說, 明年會是低價之時~
其實都不太關事, 只是人家常常都說會跌會跌...
但總是不知道在何年何月何日~!!!

我想, 全世界的房屋都是因為強搶人強勢之下而全面高升~
高升至一個不合理的變態價錢
香港是, 美國也是

所以, 老公基於種種原因下, 就決定暫時擱置放房屋的動作
轉為回鄉探親... 老公知道我想回鄉很久
我就明白無可能剛剛移民便回鄉探親
回鄉所有都是$$啊~

本來很想打鐵趁熱5月尾回鄉的
但又不知道任何原因之下
機票價錢全面高升again!!!
國泰最平要$1,400
大韓最平要$1,300
中華最平要$900
最變態是南方要$3000
可能南方主要是強搶人為主... 客源充足, 而且需求大~
有想過買中華, 因為是最最最平的
但奈何老公想搭A380, 中華是他每次回鄉搭的~
而我每次過美國都是搭大韓, 情有獨鍾
老公經我由說下都好有興趣搭大韓
所以最終將打鐵趁熱, 轉為8月尾, 最平的價錢$868...哈哈
抵!

老公似乎係最興奮的一個
因為對上一次是兩年半前了~

朋友們...預備同我吃喝玩樂啦~

思鄉食物

05.02.2014

每當有同事回港, 我都必定叫同事買合味道咖哩海鮮杯麵...

因為美國每款合味道杯麵都有

只有咖哩海鮮味沒有

但偏偏我最愛就是它~

所以, 來探望我的朋友們, 記得買咗兩三個俾我, 是常識吧~ 

呵呵~~~

琴晚同老公行超巿時, 發現有新的雪糕牌子啊~

都幾好味~ 不妨一試再試

開始夏天啦~ 超巿開始會平賣雪糕~

哈根達師, 最平可以$3.00唔使有一桶... 

應該喺香港賣近$40.00多元的size...

肥~!!!

星期日晚餐

4.27.2014

星期日瞓到自然醒... 10點呀~ 太誇呀~

起身就去Brea Mall行街

最主要目的係用張Groupon, 之前買咗張Body Shop Coupon, 買$15.00有$30.00價值
(當時用code仲有20% discount, 即係$13.00)
剛剛遇上Body Shop鋪頭有優惠買三送二

結果只係補多$13.00左右, 就買咗原價$60幾蚊的貨~

抵~

行咗一輪, 就去咗Target買餸兼打shopkick咭
(Shopkick係打咭儲分拎gift card)

玩完一輪打咭儲分, 換到$5.00 gift card~ 呵~

之後買咗碎豬肉, 整肉醬意粉

同再用coupon減$2.00買支噴髮膠, 最後總共補$1.00幾就出門口...

4.28.2014 PM

經朋友介紹去見工....

原以為係請會計 (其實個POST都係話請會計)

點解見工時佢話請Customer Service~ (無奈)

走時我都有少少失望同唔開心

始終一心想求變... 但到最後都係原地踏步...

個心再想, 等待我再儲多啲經驗再出發吧~

加油自己~ ^^

3.28 地震

3.28.2014

當日放工後到Brea Mall, 行街兼更換免費洗手皂液
因為早兩日才出外吃晚飯
所以我們行街後便回家煮飯
Brea Mall跟我家都一段距離
回到家再開煮時已經9:00了~

當日煮湯烏冬跟煎蛋腸仔魚手指...
煮好烏冬後, 開始燒熱鑊落油煮腸仔時....
就喺呢個時間... 我眼前的一切開始波浪形搖擺...
我當時還未意識到什麼事發生~
再望頭上的廚櫃又搖... 出後園的門又搖...
繼而業主媽媽大叫地震呀!
但我就開始腳軟, 再吸一啖氣跑~

老公當時在房內剛沖好涼, 正吹頭...
我喺大門前大叫佢, 走啦~ 佢無反應... 因為風筒的聲音實在太大了~
我又要吸一啖氣跑入房...拍佢先有反應~
但真俾佢吹脹... 很振定講句 : "唔使驚~ 定啲黎~"...
事後佢話佢以為自己太肚餓, 見頭暈~
幸好家中沒有任何東西破例, 反而是吊燈, 在震後持續了5分鐘還未停止搖~

我常常跟老公說, "唔知地震係會點架呢?"
就在早一個星期前我才提起, 誰知一星期後真的出現~

新聞之後公佈是次地震為5.1級
而家說地震的地區很不尋常
更說之後的幾天會再出現5-6級的大地震~
及預備定一下求生包, 放在車內及屋內...
一旦發生地震時, 都可以提包出室外...
作為應急時的食糧保暖等等....

雖然並不知道科學家所預測的是否正確
地震是隨時會發生~ 更是估計不到~
所以要為未知數的情況作出準備~!!


PS 放心~ 我跟老公一切安好! 你見他回應我 "唔使驚~ 定啲黎~" 就知啦~
Thank you!

$3 L'Occitane Hand Cream

3.28.2014

回顧地震當日...

我去地Brea Mall用Coupon買呢套Hand Cream

早前喺Facebook有個event

只要登記咗就可以用優惠價 $3.00買三支細size hand cream

雖然size真係較細, 但以$3.00價錢買到都算不錯

連稅只係$3.24, 抵啊~

放喺公司用一流﹗

美國購物。

3.10.2014

話說，我地嫁到美國的一群C9有個Group喺Facebook的
專門講下大家喺美國遇到的問題或者分享等等‥‥

早前其實一名C9開了另一個Group，專門討論Coupon~
喺美國購物有不同的優惠，係會令人意想不到~ 平到喊~
甚至有時可以用完coupon後，可以免費拎出門口~
無錯，係免費!
但我道行未夠高，所以暫時只試過一次係免費啫~

要拎著數，可以從幾個途徑拎到coupon的~
我用開的方法喺去Coupon.com 或商鋪的網址print出黎~
另外，我最常用的喺用手機apps "Shopkicks"
呢個apps喺每次去開指定商鋪，開住apps行入去，類似打咭check-in咁~
Check-in後就會得用特定的Points，然後儲夠某個點數去兌換商鋪Gift Card.

我多數兌換Target的Gift Card，因為屋企附近有間，比較方便...

(*Target即類似香港的萬寧，屈X氏咁)

選好心儀的日用品啦，Print好咗的coupon就等待時機成熟時用佢啦~

下圖係最近一次買的body wash....

Olay $4.99/支，買三支就送$5 Gift Card (*要留待下次用)

當時，我同老公都各自打夠points，兩人加埋合共有$10 Gift Card.

計埋稅，我只需俾$5.81 就出得門口... 未計我有$5 Gift Card下次用... 減埋俾咗$0.81

(**雖然張Gift Card下次先用得~~~)

 

另外一次係完全免費的~

得到C9報料，知道Target有款戒煙香口膠賣$9.99

但同時有張Target Coupon寫買任何呢個牌子的就減$10.00

係咪人都癲先~

雖然香口膠對我無用，但對我老公有用~

既然唔使錢，不妨一"拎"呀~

結果架上得返一排，拿拿聲拎住去Cashier啦~

我都估到收銀第一眼唔會相信，但張coupon真係寫減的銀碼嘛~

一望到部收銀機顯示 Pay $0.00 ~ 哈哈~ 任務完成~

再另外一次又係得到Forum的JM提醒... 買任何牌子的急凍食品減$2.00

咁有款較細盒裝的賣$1.96... 即係又唔使錢~

當然如果食開的話，買大盒都叫做抵D，減$2.00喎~

但我未食過又貪新鮮，當然拎盒免費試下~

好食就返轉頭喇!~

最後一支橙汁加急凍炸蝦只係$1.99 (食物不用付稅)

相比起其他精明師奶，我仲有一大段距離~ 真係仲要多多學習~

但係老公已經讚我叻，識得搵coupon買抵野~!
如果喺香港都有咁多coupon可以買平嘢就好啦~

因為日用品喺香港越黎越貴~!

仍然 Candy Crush

02.13.2014

好叻喎自己~ 家陣日日都update個blog喎~!!! 呵呵﹗

我想講我而家每時每刻仍然玩嘅Candy Crush~~

話說我而家玩到第439關!!!
基本上呢，我係一有時間就會玩，我老公都係~
食完飯等收碗時玩，洗完碗又玩~ 瞓覺前都仲玩緊~
其實我都唔知點解呢個GAME玩咗成年幾仲玩緊~
我兩公婆好似痴咗線咁不停玩

我知有部份朋友舊同事依然沉醉於Candy Crush之中~
所以麻煩見到呢個Blog的朋友繼續俾心心我 ~ 俾extra我~

呢個Blog似request多過似share~~~ 哈哈哈!!!

PS 仲有我阿媽~ 俾我荼毒到佢日日夜夜都玩~ 佢一起身就會問我攞心心~~~ 爆笑﹗

Maruhide Uni Club @ Torrance

02.12.2014

回顧12.28.2013

當日相約"LAC9"同"準LAC9"到Redondo Beach扮遊客

順便去食海鮮，同埋食主要目標---海膽!!!

誰不知賣哂喎!!! 竟然~~~ 

準LAC9經我地推介，過去兩個星期都光顧幫襯海膽~

但係同我地出發就食唔到海膽~ 唉~

但係醒目的少爺即刻作出推介，附近城巿Torrance食海膽做主題的餐廳

早前呢間餐廳很人氣

身邊不少朋友都試過該餐廳

從相片中見到很吸引的海膽~~~

而且價錢不算貴，比較相宜，值得一試!!!

相中的是海膽飯，滿滿的海膽!!!

而家睇到相都很想再去食‥‥‥而且好新鮮架‥‥‥

餐廳當中也有其他海膽魚生飯，魚生飯‥‥‥

但因為我地之前失落於售罄的海膽，所以一行四人有理無理，海膽飯呀唔該!!!

下面是我第一次光顧時的相片

海膽壽司十足的份量

另外海膽忌廉意粉很香，但吃到尾段時開始有點膩

 

帶過朋友吃過後，一試難忘，不停說好味!無介紹錯!

然後得知佢地過咗兩日又再去過~ 哈哈!

Maruhide Uni Club2130 W Redondo Beach Blvd
Torrance, CA 90504

http://www.yelp.com/biz/maruhide-uni-club-torrance?ob=1

農曆新年

2.12.2014

最近發覺自己身體好似差咗啲~

每個月都會喉嚨痛一次 或 傷風一次~

我覺得係因為無湯水到肚，個人無乜得滋潤，所以出事~

仲要係每當我的起心肝，想每個星期做兩三次運動時就出事!!!

天呀﹗點解﹗

美國的醫療基本上要有保險先COVER，應該係話無保險睇醫生係勁貴﹗

Co-pay(醫生費) $50.00美金，未計藥錢，一款藥我諗要$10.00咁上下，如果醫生開成3-4款藥俾你

咁你總共埋單$100喇﹗係咪癲呀﹗

但幸好我有保險cover﹗但我無睇醫生呀~因為我嫌貴~

老爺又有藥係屋企~ 我自行配藥醫自己~ (其實我咁係唔啱，唔好學我~)

 美國真係咩都大~ 連藥水都大枝過人~

不過真係好靈~ 食一兩之就搞掂~

當我食緊藥水之際，見到我喺香港班姊妹食拜年飯‥‥

影咗以下張相‥‥

係咪好爆笑~! 少爺見到"嘩~ x人咩"
我初時都覺得係，但望落又覺得好搞笑

我最關心係幫佢地影相的人，有咩反應，竟然無反應，如常影相﹗

哈哈哈﹗

再祝大家馬年馬上行大運﹗身體健康﹗萬事如意﹗

忙出糧。

1.14.2014

過去一個星期都忙公司事

因為要轉出糧公司，所有事都要由頭過

喺美國到香港由公司直接出糧俾員工，可能係因為牽涉好多稅務上旳問題
所以出糧公司會幫手計好每期出糧後要交俾政府同州政府的稅項

咁當然公司要每個月俾服務費出糧公司啦~

星期四晚放工之後，於有時間買餸煮飯

心血來潮想食三文魚，咁啱有特價 $5.99/磅

就買一塊煎黎食~ 呢塊唔夠一磅， $5左右，港紙$40唔使有咁大塊，好厚肉啊~

足夠2個人食兼帶飯

自從黎咗美國之後，就好少食魚~
對於我咁愛食魚的人...好慘慘呀~

所以食住塊三文魚頂肚先啦!

好掛住香港嚿鯇魚腩~~!!!!!!!!!!!

LC 煮飯仔。

1.14.2014

自從買咗個LC之後呢~ 我成日都用佢黎炆野~

果然烄得好快，又唔會煲乾水，好鎖水!!!

因為老公鍾意牛腩，但喺美國買的牛腩勁大嚿! 我半個手臂咁長!

所以嗰次買牛(月展)炆蘿蔔

老公大讚好味~

第二次就用黎做一品鍋

因為嗰排天氣勁凍又落雨

好想打邊爐，但又係因為地方問題，所以唔打得住

唯有一次過一鍋過!!!

第三次就黎用薯仔炆雞翼

嗰排雞翼減價 $1.99/磅，唔知係咪年尾多人開party

所以超巿識do肯減價，平時唔減價要$3.00/磅左右架!!!

查實喺香港時，成日聽到阿媽話好難煮咩餸

嗰陣心諗"有幾難呀"~ 但而家做咗半個煮飯婆先知阿媽講得啱

有時真係諗到頭都爆呀!

要知道我老公有名叫少爺~

又要啱佢口味~ 又要佢肯食喎~

同佢買餸時通常都叫我話事

但到我問佢好唔好事，佢就話我唔想/唔食... 吹脹!~

L.A.。1月

2014.01.10

嚟啦~ 今個月第二個blog啦~!!

今次主要係俾我媽媽同朋友們知道，而家1月的天氣~

話說每日去拎車時，都會見到架車滴哂汗咁~

因為L.A.天氣夜晚都幾涼，甚至係凍呀!

經過一晚之後，出太陽之後呢‥‥暖返架車就開始滴汗啦!

見到地下成地水嗎?? 

擋風玻璃前後對比~~

 

2014年。新開始。

2014.01.08

又拖到成個"年"再出BLOG啦~!!!

我想寫成個星期啦~ 但係結果都係過左2013年先寫~

首先Happy New Year先啦~ 雖然今日己經8號喇~!!

因為實在太無時間，放工返屋企就要立即煮飯，之後洗碗沖涼, 打一兩鋪Candy Crush就開始眼瞓~
我發覺我黎到美國之後，真係懶左好多~ 但始終未改變到心急性格，咩都要快快快~

本來想黎個2013年回顧，但我諗都係下篇先打!! (又拖下次~)
其實我個心好想寫多啲BLOG，等喺香港的朋友姊妹們透過黎文字黎傾計~
事實係因為傾Whatsapp & Line未必每次都講到重點~
但係BLOG就可以一次睇得哂由頭至結果~

慢慢黎啦~ 唉~

不過，我都想分享一下2014年的願望先~
最想最想係可以有自己天地
我心知上樓未必會比預期的理想，但總希望有自己地方，至少有張梳化俾我坐下休息下都好~
講明先，我從無俾壓力我老公，因為我知道搬一次屋，要使啲錢
所以，我地之間有共識，等再試做多次Approval Letter
成功當然最好﹗唔成功就嘗試搵地方搬喇~

我都要感謝老公2013年的照顧嘅，幸好佢好了解我所想~
我知道佢好勞力咁俾最好的我~
佢好錫我~! 哈哈!

我會再次承諾update多啲我個BLOG~~!!! ^0^