LC 煮飯仔。

1.14.2014

自從買咗個LC之後呢~ 我成日都用佢黎炆野~

果然烄得好快，又唔會煲乾水，好鎖水!!!

因為老公鍾意牛腩，但喺美國買的牛腩勁大嚿! 我半個手臂咁長!

所以嗰次買牛(月展)炆蘿蔔

老公大讚好味~

第二次就用黎做一品鍋

因為嗰排天氣勁凍又落雨

好想打邊爐，但又係因為地方問題，所以唔打得住

唯有一次過一鍋過!!!

第三次就黎用薯仔炆雞翼

嗰排雞翼減價 $1.99/磅，唔知係咪年尾多人開party

所以超巿識do肯減價，平時唔減價要$3.00/磅左右架!!!

查實喺香港時，成日聽到阿媽話好難煮咩餸

嗰陣心諗"有幾難呀"~ 但而家做咗半個煮飯婆先知阿媽講得啱

有時真係諗到頭都爆呀!

要知道我老公有名叫少爺~

又要啱佢口味~ 又要佢肯食喎~

同佢買餸時通常都叫我話事

但到我問佢好唔好事，佢就話我唔想/唔食... 吹脹!~