2016年10月25日 星期二

XO醬炒空心菜

10.25.2016

話說有位師奶好友推介私房XO醬超級好吃~
所以先讓我擁有一樽品嚐

早陣子水程空心菜當造
所以加點豬肉碎XO醬就成為一道美味的菜

材料:
水種空心菜
豬肉碎
蒜頭
雞湯



做法:

1. 先預備XO醬, 備用

2. 燒熱油鍋, 下蒜茸, 豬肉碎, 直至豬肉碎至7-8成熟, 下XO醬繼續炒.


3. 下點雞湯, 煮滾後, 下空心菜, 直至空心菜炒軟為止. 喜歡辣的可以在最後下辣椒粒.


2016年10月5日 星期三

新玩具 - LC 粉藍色煎PAN - 蝦煎蛋餅

10.05.2016

上星期朋友突然給我一個LC OUTLET 50% OFF的COUPON
我跟董事長說, 我們可以"順便路過"逛一逛啊~
誰知董事長一口答應~ BINGO~

LC OUTLET好少有這種優惠, 應該是由我移民過來之後未見過有50% OFF!
如此吸引的好機會, 正所謂, "唔買都睇下呀!"

我家已經有不少鍋子, 而且年底回港我正準確買一個黑裡鍋子
所以不打算買鍋了, 反而看到"尹食教煮"的fanpage後
覺得煎pan後好用... 所以....

開光試菜也跟教煮的一樣: 蝦煎蛋餅...

材料:
雪藏蝦
雞蛋


調味:

胡椒粉


預備:
1.  蝦去殼去腸, 用少許鹽清洗蝦, 蝦用水啤, 啤至泡泡去除大部份為止, 索乾水放入雪櫃, 待用.

2. 雞蛋發勻, 落鹽胡椒粉油各少許, 放入蔥, 待用.












3. 蝦要在煎前5-10分鐘左右取出

4. 下油, 煎至7-8成熟, 取出, 放入雞蛋漿內.


5. 再下點油, 待熱後下蛋漿. 煎至兩面金黃完成. 


失手... 新手不太熟手反轉蛋餅, 不美觀~






2016年10月3日 星期一

大蝦粉絲煲

最近很愛在網上看一位blogger的facebook live直播煮食教學.

學了做大蝦粉絲煲.
教學是用泰國粉絲, 因為比較彈牙
而且據說不會像中國粉絲般, 很快煮"林"及碎濕濕....

可惜L.A.沒有她推介的泰式粉絲...
嘗試過在泰國超巿買的泰國粉絲, 可惜, 都沒有彈牙的口感
下次回港要買一兩打儲糧了

這個菜很易煮, 只需15分鐘就好.

材料:
紅蝦
粉絲
薑片
紅蔥頭
雞湯
生粉 (撲粉煎蝦用)

預備:
1. 蝦洗淨, 剪走頭的尖剌部份, 蝦鬚, 蝦腳.  在蝦頭及第一節蝦殼中間, 用牙簽挑走蝦腸, 再洗淨, 印乾水份, 備用.

2. 粉絲用水浸軟, 略剪一兩下, 方便進食.

3. 紅蔥頭及薑切片, 備用.

4. 雞湯可以煮熱, 備用.  (非必要)



做法: 

1.  撲少許生粉在蝦身, 中至大火將蝦煎至金黃.

 

2. 煎至紅蝦兩面金黃, 落蒽頭及薑, 至聞到蔥頭及薑香味.








3. 所有材料爆香後, 落熱雞湯, 或開罐直接倒入. 
(*我今次由於時間關係沒有翻熱, 但個人認為, 倒熱雞湯效果較好!)

落雞湯的粉量夠煮淋粉絲至乾身便足夠, 因為這道菜的精髓是要乾身, 濕淋淋不好吃~

煮滾後記得試味, 有需要可以加點鹽, 一旦之後落粉絲後, 粉絲索汁後再調味會較難. 




















4. 落已浸軟的粉絲, 大火煮至粉絲軟身及收汁. 粉絲煮至乾身前, 可以加少許老抽調色.


5. 完成後的蝦煲. 特意換了花花煲做陪襯.
    也可以落點蔥花裝飾, 我家董事長不太愛青蔥..





















粉絲雖然沒有泰國粉絲的彈牙, 但乾身之餘又吸收所以紅蝦的鮮甜味...
啖啖粉絲都有蝦的鮮甜味~ 
董事長也讚不絕口...

2016年1月8日 星期五

759 心心淺鍋


2016.01.08


早前託同事回香港時
幫忙從我媽帶759買的韓國心型鍋

它並不是韓國出名的玫瑰鍋
但物料跟性能跟玫瑰鍋沒有分別

不用下油亦可以不黏鍋
我的開箱文第一煮: 煲仔飯


冬菇臘腸雞煲仔飯














我現在有的是較淺的鍋
但我很想個多個較深的~
雖說家中的廚房比從前大
但開始沒位置放了... ... (但依然想擁有更多鍋呀)
起初還未明白何謂"中毒"
現在的我相當清楚~

希望我家相公繼續容許我買心到好~



2015年11月29日 星期日

事隔一年。

一直都有望其他blogger的blog
反而,我卻沒有任何update
一年了~ 
我沒更新一年了~

過去一年發生的事很多
最重要是7月份時
終於願望達成,有我們的家了。

有家的過程實在是個 long story 
美國買房子的過程是複雜而麻煩
有機會再慢慢寫出來

過去幾個月,我們不停為家添置傢具裝飾
荷包戶口所淨的已經所餘無幾
看到有家的成果
即使辛苦少許都值得

剛過去的11月是要付地稅的日子~ 
千個美金大洋就這樣付了~

剛過去的感恩節又破財了
我今年很放肆的買東西
不知道是否因為過去兩年都因為為了儲錢買房子
今年房子到手了,就不斷花~

雖說不斷花,但其實只是買了個孖人Staub鑄鐵鍋,聖誕樹,聖誕佈置,慢燉鍋,果汁機

今年的感恩節好康優惠不多
比往年的價格還要高
很多東西明明想好要買
但最後還是放棄,因為真的不值

我有很多事情想記下。
我會努力加把勁寫blog。



2014年10月23日 星期四

日常生活

10.23.2014

最近每日開飯前, 我都要先影相給我媽過目
其實想媽知道我在家吃多在外吃~ 
更加會亙相硏究菜式~

媽總會想了解個女生活情況
我就即管將我每日行程講過佢知啦~

我返工時間9:00, 開車返工距離約10-15分鐘...
視乎當日火車會否經過, 有火車就再等多5分鐘左右~
因為一架火車可以有過百個貨櫃~~~

一般我起身時間7:50左右啦~
因為我執好自己樣之後就開始醃定當晚的肉類
(*之前要拎出黎溶定雪, 事關我係星期日買定3-4餐餸)
做好準備後就出門口返工~

現在我的工作時間已經不是8小時~
基本上每日都要9-10小時~ 攰到裂開~
有時是矛盾的...加班有錢, 但攰到人到癲~

放工開車又是10-15分鐘車程
每次都是放下手袋洗個手就開始煮飯~
老公6:00左右就回到家, 他現在會幫忙先煮好飯
我回到家只是煮餸, 算是做少了一個步驟 =_=

好似今日, 我放6:40, 回到家7:00左右
煮好開飯已經7:45... 要是我之前沒有洗洗切切及醃肉
開飯時間至少要8:30
(*因為有時遇上業主在煮飯, 我沒有機會洗洗切切, 時間便要更長~)
開飯前 / 吃飽後我都要洗洗抺抺, 因為怕會阻住之後要煮的同屋住
過後到我梳洗整理... 休息... 
有時精神還可以望下卜友的blog~ 
或者上下網睇下新聞~
跟媽媽通個電話~ 同香港的老友whatsapp一番~

日復日, 年復年~
在家吃飯...留個錢積蓄, 不要胡亂揮霍, 亂買東西~ 為日後買樓做準備金~
間中見見朋友, 吹吹水~ 已經可以放鬆心情
若干時間回港探探親朋好友~ (期待2年後吧~)
這就是生活啊~



2014年10月9日 星期四

回港探親後的生活

10.08.2014

從香港回來後已經接近一個月喇~ 生活忙到爆燈~!

返工忙~
放工後忙煮飯照顧我家少爺~
還有得多鎖碎事~
事情很多~
總覺得時間不夠~

公事上 接受很多意想不到的別人想法~ 無奈~
私事上 我家少爺仍然愛我照顧我~ 感恩~
香港事上 連續兩星期的不停閱讀新聞 心情低落 哭了~
無奈我不能上街出一份的力量~

暫時影響到我本人的情緒
其實只有公事上所發生的言語及壓力
感恩我家少爺思想比較全面成熟
給我不少應對的對策

特別在某些時候 特別想起爸爸媽媽細佬~
亦很想盡快探親~
但我們之間協定兩年後再回港...
慳錢~ 儲夠彈藥再出發!

我相信這段時間只是過渡期
希望用吃喝玩樂來釋放負能量~

香港的事 希望快快解決~
不能用"六言四語"來形容那些無能力的人!
你們回家吧~ 還有得多別的事情等著你們做! 請回!


2014年5月6日 星期二

8月回鄉

5.6.2014

其實事情還未正式對外公佈~
因為想將事情低調處理...呵呵~

一路都House Hunting的, 但可惜基於很多因素影響下
還未看到心儀的房子前, 我地已經準備放棄
等到出年, 我有足夠兩年的報稅報告
再次出動House Hunting吧~
而且常常聽人說, 明年會是低價之時~
其實都不太關事, 只是人家常常都說會跌會跌...
但總是不知道在何年何月何日~!!!

我想, 全世界的房屋都是因為強搶人強勢之下而全面高升~
高升至一個不合理的變態價錢
香港是, 美國也是

所以, 老公基於種種原因下, 就決定暫時擱置放房屋的動作
轉為回鄉探親... 老公知道我想回鄉很久
我就明白無可能剛剛移民便回鄉探親
回鄉所有都是$$啊~

本來很想打鐵趁熱5月尾回鄉的
但又不知道任何原因之下
機票價錢全面高升again!!!
國泰最平要$1,400
大韓最平要$1,300
中華最平要$900
最變態是南方要$3000
可能南方主要是強搶人為主... 客源充足, 而且需求大~
有想過買中華, 因為是最最最平的
但奈何老公想搭A380, 中華是他每次回鄉搭的~
而我每次過美國都是搭大韓, 情有獨鍾
老公經我由說下都好有興趣搭大韓
所以最終將打鐵趁熱, 轉為8月尾, 最平的價錢$868...哈哈
抵!

老公似乎係最興奮的一個
因為對上一次是兩年半前了~

朋友們...預備同我吃喝玩樂啦~



2014年5月2日 星期五

思鄉食物

05.02.2014

每當有同事回港, 我都必定叫同事買合味道咖哩海鮮杯麵...
因為美國每款合味道杯麵都有
只有咖哩海鮮味沒有
但偏偏我最愛就是它~
所以, 來探望我的朋友們, 記得買咗兩三個俾我, 是常識吧~ 
呵呵~~~




琴晚同老公行超巿時, 發現有新的雪糕牌子啊~
都幾好味~ 不妨一試再試


開始夏天啦~ 超巿開始會平賣雪糕~
哈根達師, 最平可以$3.00唔使有一桶... 
應該喺香港賣近$40.00多元的size...

肥~!!!

2014年4月29日 星期二

星期日晚餐

4.27.2014

星期日瞓到自然醒... 10點呀~ 太誇呀~

起身就去Brea Mall行街
最主要目的係用張Groupon, 之前買咗張Body Shop Coupon, 買$15.00有$30.00價值
(當時用code仲有20% discount, 即係$13.00)
剛剛遇上Body Shop鋪頭有優惠買三送二
結果只係補多$13.00左右, 就買咗原價$60幾蚊的貨~
抵~

行咗一輪, 就去咗Target買餸兼打shopkick咭
(Shopkick係打咭儲分拎gift card)
玩完一輪打咭儲分, 換到$5.00 gift card~ 呵~
之後買咗碎豬肉, 整肉醬意粉
同再用coupon減$2.00買支噴髮膠, 最後總共補$1.00幾就出門口...



4.28.2014 PM

經朋友介紹去見工....
原以為係請會計 (其實個POST都係話請會計)
點解見工時佢話請Customer Service~ (無奈)

走時我都有少少失望同唔開心
始終一心想求變... 但到最後都係原地踏步...
個心再想, 等待我再儲多啲經驗再出發吧~

加油自己~ ^^


2014年3月31日 星期一

3.28 地震

3.28.2014

當日放工後到Brea Mall, 行街兼更換免費洗手皂液
因為早兩日才出外吃晚飯
所以我們行街後便回家煮飯
Brea Mall跟我家都一段距離
回到家再開煮時已經9:00了~

當日煮湯烏冬跟煎蛋腸仔魚手指...
煮好烏冬後, 開始燒熱鑊落油煮腸仔時....
就喺呢個時間... 我眼前的一切開始波浪形搖擺...
我當時還未意識到什麼事發生~
再望頭上的廚櫃又搖... 出後園的門又搖...
繼而業主媽媽大叫地震呀!
但我就開始腳軟, 再吸一啖氣跑~

老公當時在房內剛沖好涼, 正吹頭...
我喺大門前大叫佢, 走啦~ 佢無反應... 因為風筒的聲音實在太大了~
我又要吸一啖氣跑入房...拍佢先有反應~
但真俾佢吹脹... 很振定講句 : "唔使驚~ 定啲黎~"...
事後佢話佢以為自己太肚餓, 見頭暈~
幸好家中沒有任何東西破例, 反而是吊燈, 在震後持續了5分鐘還未停止搖~

我常常跟老公說, "唔知地震係會點架呢?"
就在早一個星期前我才提起, 誰知一星期後真的出現~

新聞之後公佈是次地震為5.1級
而家說地震的地區很不尋常
更說之後的幾天會再出現5-6級的大地震~
及預備定一下求生包, 放在車內及屋內...
一旦發生地震時, 都可以提包出室外...
作為應急時的食糧保暖等等....

雖然並不知道科學家所預測的是否正確
地震是隨時會發生~ 更是估計不到~
所以要為未知數的情況作出準備~!!


PS 放心~ 我跟老公一切安好! 你見他回應我 "唔使驚~ 定啲黎~" 就知啦~
Thank you!


XO醬炒空心菜

10.25.2016 話說有位師奶好友推介私房XO醬超級好吃~ 所以先讓我擁有一樽品嚐 早陣子水程空心菜當造 所以加點豬肉碎XO醬就成為一道美味的菜 材料: 水種空心菜 豬肉碎 蒜頭 雞湯 做法: 1. ...