再來懶人BLOG!

10.31.2013

最近非常懶，眼見好多卜友都努力寫卜... 而自己...

有少少慚愧, 還是加把勁吧﹗

不知不覺移民L.A.接近9個月了, 生活是適應了

考到車牌, 找到工作, 總算生活安定下來...

但間中都會哭住打電話/打Skype給媽媽

有時我不想對媽媽哭, 因為不想令佢擔心...

奈何眼睛不爭氣, 要老公幫我傾住數分鐘, 心情平復後再跟媽媽講東講西!


前幾天是我首先"獨自"開車出去跟朋友吃晚飯

其實我本身是有點怯, 但眼見各朋友都說"我會自己駕車到"...

我心想是個好機會跟老公要求, 始終我總會要自己開車, 只是時間問題~~

又難得老公肯答應! 仲要我開車前同我講 : "大個女喇!"

其實佢講完, 我仲怯!!!

沿途中, 我心不其然想, 我想我是適應了美國的生活!

又突然感慨起來, 回想起過去9個月的移民生活, 原來發生了很多事情!

當時一刻是特別掛念屋企人及朋友~

同當時想我安全回家後, 一定要給媽媽電話, 我可以自己駕車出街, 心情極度激動~
(*雖然, 我知她會講 "小心D啦~ 點解阿康唔同你一齊出街? 等等~~ 哈哈﹗)

時間真的過得很快很快~ 之前在香港時, 預計在移民後做的事, 已經大部份做到了~

只餘下暫時最後一個大project:買樓~ (遲些才慢慢討論這個麻煩事~~!)

可以寫成長篇小說~!

開張大吉﹗

9.4.2013 

YAHOO BLOG即將關閉，雖然它已經變成發霉中

但我都要為自己的BLOG找個安樂窩﹗

就選定blogspot為我另一個新居啦﹗

似乎很多yahoo blog友都選這裡做第二個家

假如有緣在此相遇就say個hello啦﹗

發霉blog

7.27.2013

大家聞到陣霉味嗎? 我個blog出緊青苔啦，陰公﹗
事實上，我係好想update的~ 但奈何時間不多﹗
移居美國剛好半年 (我是1.26.2013報到的)
在3個多月前見成工，展開搵銀+主婦的生活 (再次多謝MAY MAY)
我很慳家的，放工後多數都會煮飯，除非真係好攰好攰，就會舉手同波士請假﹗哈哈﹗

慳家的原因係因為邊度出街食晚飯都幾貴下，普通茶記埋單都要$20幾蚊，即係港幣$150左右‥‥
(*雖然份量足夠我第二日的lunch)
之不過$20夠我買半個星期的餸了~~~ 幸好這裡買餸比香港平很多，真係好很多~
特別是墨西哥人開的超巿更平﹗
我見過一條4大粒裝蒜頭，可以賣$0.99/3條 (總共12大粒)，
香港都要$5-6/1條~ 仲有好多例子一下子講唔完 等我下次有圖有真相咁話俾你地知!!!

而家習慣了星期六日買定下一個星期的餸，放工就快快趣返去煮飯洗碗沖涼...
好似無乜時間淨咁... 最free的時間算係一路食飯一路煲"衝上雲霄2".... SAM哥!!!!
搞呢樣搞嗰樣就要瞓覺~~~
不過呢度比香港的確少很多娛樂....
所以相對地留在家的時間多很多.....

從而慳了不少錢~~~ 有幾日突然勁思鄉....

好想食元氣， EURO GOGO，大家樂 (雖然而家貴到震﹗) 同阿媽飯!!!!!!!!!!!!!!!!!!!!!!!!!!

我的小時候

15.01.2013
我是一個不節不扣的垃圾婆不知從幾時開始，我就習慣儲起一些我認為值起留念的東西﹗亦因為我喜愛偣而不愛扔棄，漸漸儲起一堆又一堆的"廢物"媽媽對於我由N年前儲起的"廢物"，一直都很"不滿"~~~ 所以很久以前已經收埋在床下底內。
"隨著日子一日一日咁過"，我搬出外後，又儲了一堆~~~ (但經過一番努力後，我已經清理了8成﹗)餘下的1成真是必須的﹗ 我要放入床下底，繼而被我發現多年前的珍品﹗
我兒時的珍藏照，哈哈哈﹗

係咪好得意呀﹗哈哈哈﹗

媽媽對我很好，小時候的我，每當生日，媽媽必定約一群街坊們來我家大食會﹗小時候有這樣大個忌廉蛋糕已算是很好了﹗這類大食會，直到我8-9歲仍然繼續﹗

笑容實在很交戲﹗媽媽說我由小至大都很開朗，名副其實開朗少女﹗ 

又一大笑姑婆﹗
每次睇到自己小時候的相都忍不住公諸同好﹗哈哈哈﹗
BTW，我老公小時候跟現在沒有什麼分別~~ 而且同我一樣都很好笑容架~~~ 但未經他同意不能公諸同好~ 嘻嘻﹗

離開工作地

11.01.2013

即使有多不捨得也要離開工作短短一年的地方﹗

這份工作其實真的不錯 (只是人工少了一點點~~哈﹗)
雖然時間很短，但因為公司多員工關係(約200多人)，而且我需要經常跟其他部門同事聯絡
所以認識了一大班好友同事﹗

每個人都對我很有心~ 很關顧我﹗
當脄也很不捨得我啦~
希望跟這班可愛同事繼續聯絡啦~!!!
大家保重啦﹗ 

Farewell禮物

04.01.2013

我很感恩!
我身邊的姐妹們朋友同事都對我很好很好!

但講到公司同事當中，離不開那四位(哈! 唔開名，你自己對名入座啦!)
同事S : 她既是我同事亦是我契媽! (只欠一杯茶而言!)
真心對我很好很好，待我至親一樣!
無論什麼事都很幫我，照顧我~~~
她說如果我在美國有任何需要，她都會幫我幫到低~ 哈~~~

她知我很喜歡LC那套粉紅花花碟~
回想之前一日的對話，其實她是想套我料，問我喜歡大碟或小碟!!!

結果第二日，她竟然買了一套送給我，作為我的farewell禮物
我大愛! 真的很喜歡!
契媽亦很體貼地為我想‥‥‥
大一點放餸會好一點
一對兩對剛好~二人世界兩個餸剛好~
又可以入焗爐~ 焗豬排飯一人一碟剛好﹗
係咪體貼到暈呢~~~

I LOVE YOU, 契媽~!!

遲啲喺美國見呀!!!!

Merry Christmas 2012

24.12.2012

2012年是在香港過聖誕節的最後一年(暫時...~~)
這個大節日，我選擇跟家人一起渡過‥‥
加上爸爸回廣州探親，只淨下我跟媽媽及細佬仔﹗

我媽媽對我離港有十萬個不捨﹗
但是她十分體諒我這個不肖女的決定(哈哈﹗)
最重要是她十分錫我，不想我跟少爺長期分隔兩地‥‥
她理解這是不健康的情況啊﹗




而細佬仔今年沒伴啊~~ 我跟媽媽便是他最好的伴啦~~~
細佬仔自知我會離港後，的確是生性不少﹗
可以說是"乖仔"左好多﹗懂事了很多﹗
我做家姐的終於見到他長大了﹗
以後家裡發生的事就靠你了﹗
替我多照顧爸爸媽媽呀﹗

過得到24.12.2012....那便知那個末日理論的真偽啦~
(雖然我依然相信世界會有末日的一天~~~)

當活在當下的我們，要好好珍惜自己擁有的一切啦~
繼續去愛﹗繼續去愛你們身邊的所有人和事﹗

祝願大家身體健康﹗世界和平﹗

美國經濟盡快復蘇﹗

簡易食譜

01.12.2012

為著move過美國，其實一直都開始執拾我的行李

可惜美國現居位置不大，可以搬過去的家當不能太多﹗

一打開衣櫃，一執之下，發現好多衫褲，至少1年無再著過﹗(即係代表可以唔要啦﹗)

可以拎去捐的，有一整喼咁多﹗哈﹗利害嗎？

餘下的只是帶廿幾三十件衫褲鞋襪 (*summer + winter + winter褸*)

除此以外，我仲有化妝品，部份cook book‥‥‥

有本must bring book‥‥‥簡易食譜﹗

因為實在好簡易﹗所以必定要拎過美國的﹗(我似賣廣告嗎？)

之前喺韓國買了tapes，highlight住少爺與我的至愛‥‥

希望到有了自己地方，可以慢慢煮，餵肥少爺﹗